درەنگ هاتین

درەنگ هاتین

سەردەمەک بوو:
دگریاین، دکەنین، دئێشاین
و جارژی ب رۆژێ هزاران جاران ئەم دمرین

گۆلەک دوەریا مە دگریا
ب بارانێ ئەم دکەنین
و ل پاییزان لژێر پیێن ڤی باژاری
خش خش دئێشاین

درەنگ هاتین
درەنگ ژیاین
درەنگ دبینین

دەما بۆ کالێ باژێری بەرچاڤک ئیناین
کالوی چاڤێن خوە ژ دەست دابوون
دەمادادێ پێلاڤا زێرین بۆ هاتی
دادێ ئێدی برێڤە نەدچوو

و تویا چووی و هەردیسان
هەر رۆژ دلێ خویێ عاشق بۆ تە دئینم
بتە دبێژم
بتە دڤەهینم

٣٠.١٠.٢٠١١

لەشبونە

هەڤوەغەرێ بای

هەڤوەغەرێ بای

روحا خودایێن بارینێ

کەڤنەپەرستێ هاڤی و

هەڤالێ رێکێن بێ داوی

لڤان دران ئەزێ بێ تە

ل میحرابا رووگەها بای

گەرماتیا هەمبێزەکێ دوعادکەم

ژ مێژەیە، هێژ نەهاتی

سەرهاتیا ڤێ وەغەرێ پاشڤەمایە

و هێشتا ژی ب تەڤ شەڤان

ژ ترسێن ژتە بەرزەبوونێ

ستێرەکێ بۆ ژڤانا شەڤا بهێت نیشان دکەم

گەر باران هات؛ ئەو ئەز بەرزە

و ب شەڤان

د روهنترین کولانێن ڤی باژێریدا
ب لەپەقوتان
ئەزێ تاری لتە گەرم

باژێر بێ تە دەردەدلە

پڕی مرۆڤێن بێ دلە

باژێر بێ تە

دناڤ گازیێن گرتیێن چاخێ کورە دا

بەرزەبوونا هەواریێن گوریکرنا دایکەکێیە

باژێر بێ تە

دانپێدانا جگارەکا ب نیڤیە

د بێ جانیا دەستێن مندا

‌هێشتا لڤێرە بارانە، وەرە

بیریا تە دکەم، وەرە

بەرزەبوویمە، وەرە

شەڤ تەڤ بورین، وەرە

وەرە داکو ب حزوورا تە
نوشینا پێکێن شەرابێ قەزا بکەم


٢٧-١٠-٢٠١١، لیزبون، پورتۆگال


ئەڤ هەلبەستە ل رۆژناما وار هژمارا ٥٠٧ بەلاڤ بوویە و ئەڤا لخوارێ ب دەستێن زێرینێن دیزاینەر عصام حجی هاتیە بجهکرن.

سێ تابلو ژ چوونا تە

سێ تابلو ژ چوونا تە

• 
  
  • 
    
    
    تابلو 1:
    
    
    د شەڤەكێدا تو چووی
    ئەز مام و چرایێ شێلی
    من چاڤێن خوە د رێیا تەدا
    ب دەرگەھی ڤە ھلاویستن
    و دلێ خوە ب كۆلانێڤە كرە زەنگل
    و چاڤ لرێ
    زەنگل بێ دەنگ
    و ھێشتا ژی تویا دزڤری
    پاییز لمن زیندانا زەر
    
    
    
    
    
    تابلو 2:
    
    
    د شەڤاندا
    تەڤ ھێرشێن بێدەنگییان
    دلێ من بۆ خەوێ نێچیر ناكەن
    و تا سحاران لڤان شەڤان
    چاڤەرێ ھەلاتنا چاڤێن تەمە
    لسەر برینێن لەشێ خوە
    
    
    
    
    
    
    
    
    
    
    
    
    
    تابلو 3:
    
    
    جاران ژ خوە خەریب دبم
    ژ خوە یێ كو:
    دگەل ھاتنا تە لمن پەیدا بووی 
    و ب چوونا تە ژ من رەڤی
    ژ خوە یێ كو:
    ل ئێڤاریان لێ دگەرم
    و ب شەڤان لمن وندا
    و ل سحاریان
    ب خەیالا باوەشا تە چاڤان ڤەدكەت

مونتیڤ: هونەرمەند سەردار کێستەیی

محەمەدعەلی یاسین

 لیسبون-پورتوگال


 ئەڤا لخوارێ ئەڤ هەلبەستەیە ب لاتینی: ژ دیزاینا هونەرمەند عصام حجی طاهر