کوشتارگەهـ
محەمەدعەلی
یاسین
سیهـ سال دبۆرن. بەلکی پێنجی،
شێست, یانژی پترە کو
شڤانن و ژ باب و باپیران هەر شڤانیێ دکەن. شارەزایی تەڤ دەشت، دۆڵ، نهاڵێن دەڤەرا
چیایینە. پەزی ب خودان دکەن و ل
جهەکێ ل پەڕێن باژێری دفرۆشن.
دەما وەرزێ فرۆتنا پەزی دهێت
دلێ شڤانی خوە دقوتیت. ئێک ژ سەختیێن شڤانێ گەنج هاژووتنا پەزییە ژ رێکا پڕی
مەترسی. دبێژن هەرچوار ئالیێن رێکێ سنۆردایینە ب گورگ و دڕندەیێن کو هەر دەم بۆ
دەم هێرشێن خوونین دکەنە پەزی.
سحاریا رێکەفتنێ یە. پەزێ
بەلاڤە بووی و هەرئێکێ بۆ خوە چووی.
شڤان بسەر گری کەفت، دەستێ خوە برە بن گوهێ خوە و
گازی پەزی کر:
" پێکڤە بن، ژێک جودا نەبن، مل ب ملێ ئێک بن دا کو گورگ چ زەرەرا نەگەهیننە هەوە"
ژ گری هاتە خوارێ و پەز بەرەڤ کوشتارگەهێ هاژووت.
" پێکڤە بن، ژێک جودا نەبن، مل ب ملێ ئێک بن دا کو گورگ چ زەرەرا نەگەهیننە هەوە"
ژ گری هاتە خوارێ و پەز بەرەڤ کوشتارگەهێ هاژووت.
No comments:
Post a Comment