زستانا ئەڤسال
من دزانی دێ هێی و
دەستێن من تەڤلی دەستێن خوە
لسەر ڤێ سپی زستانێ
بهەڤ گەهینی
من دگۆت من خەونەکا دیتی
چاکەک ژ پاکێن سۆزداران
بێئومێدیا قەرقۆدێن داروباران
و خەلکێ وێران لڤان دران
ب ماچەکا ئاسمانی ئارام دکەت
و گرنژینا مەژی
هەر دڤێ زستانێدا
دێ بشکڤیت
بنێرە، ل داویێ
دهۆکا مە ژی،
پشتی سالێن دوور و درێژ
ئیسال بووکا زستانێ بوو
سپی پووش و پڕی ستران
توژی دیسان
دلێ خوە
چاڤێن خوە
لێڤێن خوە
پێنگاڤێن
خوە
تێبگەهینە:
بێ تە نابە
No comments:
Post a Comment